საქართველოსა და გერმანიის მთავრობების თანამშრომლობის ფარგლებში ხარაგაულის მუნიციპალიტეტში „სამოქალაქო ბიუჯეტირების პროგრამა“ მიმდინარეობს.

ამ პროგრამაში გამარჯვებული შვიდი პროექტის საპროექტო-სახარჯთაღრიცხვო დოკუმენტაციის მომზადება გასულ კვირაში დამთავრდა. მერიის ინფრასტრუქტურისა და კეთილმოწყობის სამსახურის უფროსი პეტრე შარიქაძე ამბობს, რომ ეს დოკუმენტაცია პროექტების ავტორებთან ერთად განიხილეს. მისივე თქმით, სავარაუდოდ, ივლისის ბოლოს ამ პროექტების შემსრულებელი მშენებელი ორგანიზაციების გამოსავლენად ტენდერი გამოცხადდება.

„სამოქალაქო ბიუჯეტირების პროგრამით“ ხარაგაულში იგეგმება –

  • ხარაგაულის აღმნიშვნელი დეკორატიული აბრების მოწყობა,
  • ვერტყვიჭალაში მინიმოედნის მოწყობა,
  • ხარაგაულის სერზე ტურისტული ლოკაციის მოწყობა,
  • „ლილეს წყაროს“ მოწყობა კიცხში,
  • ხარაგაულში ფრენბურთის მოედნის მშენებლობა,
  • ღორეშაში ხელოვნურსაფარიანი მინიმოედნის მოწყობა,
  • ფარცხნალში დევდარიანებისა და ლეჟავების უბანში წყლის ჭაბურღილის მოწყობა.

ამ პროექტების ავტორები არიან – გივი კურტანიძე, კობა სხილაძე, ზურაბ თაბუკაშვილი, დეა ბერაძე, დიმიტრი ჩიკვაიძე, ზაზა გლუნჩაძე, გულნარა დევდარიანი.

„სამოქალაქო ბიუჯეტირების პროგრამით“ შერჩეული ამ პროექტების განსახორციელებლად ხარაგაულის ბიუჯეტში 150 ათასი ლარია განსაზღვრული.

ამავე თემაზე

ხარაგაულში სამოქალაქო ბიუჯეტირების პროგრამა იწყება

ხარაგაულში სამოქალაქო ბიუჯეტირების დასკვნითი ეტაპისთვის 16 საპროექტო წინადადება შეირჩა

ხარაგაულში სამოქალაქო ბიუჯეტის კონკურსში შვიდმა პროექტმა გაიმარჯვა

ხარაგაულში სამოქალაქო ბიუჯეტირების პროგრამით პროექტების განხორციელება აპრილიდან დაიწყება

განმეორებითი ტენდერი სამოქალაქო ბიუჯეტირებისთვის

სამოქალაქო ბიუჯეტირებისთვის განმეორებითი ტენდერი არ შედგა