„ქარტიის პრიზი 2025-ის“ გამარჯვებულები დაჯილდოვდნენ

13 დეკემბერს, „საქართველოს ჟურნალისტური ეთიკის ქარტიის” მე-17 საერთო კრება ჩატარდა. კრებაზე „ქარტიის პრიზი 2025“-ის დაჯილდოების ღონისძიება გაიმართა.

ქარტიის პრიზი 2025-ის ფინალისტები კატეგორიაში – ფოტო/ფოტორეპორტაჟი ონლაინ ან ბეჭდურ მედიაში დასახელდნენ:

მინდია გაბაძე, „პუბლიკა“, ნამუშევრით „ფოტორეპორტიორის საბოლოო სიტყვა“;
მზია საგანელიძე ნამუშევრით „ხაზები კედელზე/ბრძოლით მოპოვებული მედიკამენტის შედეგი“, გამოქვეყნდა მედიაპლატფორმაზე „ჩაიხანა“;
დათო ქორიძე ნამუშევრით პროტესტის მეექვსე დღის შესახებ, გამოქვეყნდა „რადიო თავისუფლების“ ინსტაგრამის გვერდზე.

ქარტიის პრიზი 2025 ამ კატეგორიაში დაწესებული იყო ნამუშევრისთვის, რომელიც საუკეთესოდ ასახავს საზოგადოების ძალისხმევას ქვეყანაში დემოკრატიული უკუსვლის შესაჩერებლად და დემოკრატიული ღირებულებებისა და ინსტიტუციების დასაცავად.

ამ ნომინაციაში გაიმარჯვა მინდია გაბაძემ.

ქარტიის პრიზი 2025-ის ფინალისტებად კატეგორიაში – სტატია/მულტიმედია სტატია ონლაინ მედიაში შეირჩნენ:

სალომე ჩადუნელი, „რადიო თავისუფლება“, ნამუშევრით „პაემანი და ქორწილი ციხეში – როგორ ხვდებიან პატიმრებს ოჯახის წევრები“;

მიხეილ გვაძაბია, OC Media, ნამუშევრით Georgian Dream is watching: how AI-powered surveillance is used against Tbilisi protesters („ქართული ოცნება“ თვალს გვადევნებს: როგორ გამოიყენება ხელოვნურ ინტელექტზე მომუშავე თვალთვალი თბილისში პროტესტის მონაწილეების წინააღმდეგ“);

ნათია ამირანაშვილი, „პუბლიკა“, ნამუშევრით „ცრუ მოწმეებად მხილებული მოწმე პოლიციელები“

ეკა ქევანიშვილი, „რადიო თავისუფლება“, ნამუშევრით „იქ არ არის ტუალეტი“ – რა ხდება სასამართლოს საკნებში, სადაც დაკავებულები საათობით იცდიან“.

ამ ნომინაციაში გაიმარჯვა ნათია ამირანაშვილის ნამუშევარმა.

ქარტიის პრიზი 2025-ის ფინალისტები კატეგორიაში – ქალთა უფლებებისა და გენდერული თანასწორობის გაშუქება გახდნენ:

ნასტასია არაბული, „რადიო თავისუფლება“, ნამუშევრით „ტინდერის ასლარიანო ბოზებო“, – პოლიციელების უხამსობა და ძალადობა ქალ დემონსტრანტებზე“;

მარიამ ბოგვერაძე ნამუშევრით „ბრძოლა სიტყვასთან, რომლის ფასსაც ქალები გადაიხდიან“, რომელიც გამოქვეყნდა მედიაპლატფორმაზე „ჩაიხანა“;

თამარ გეგიძე, ვახო ქარელი, „აპრილი მედია“, ნამუშევრით „ფერმერი ქალის ცხოვრება სახლიდან შორს“;

„პუბლიკა“ ნამუშევრით „რუსი სამოქალაქო აქტივისტი ქართულ ციხეში“.

ამ კატეგორია გაეროს ქალთა ორგანიზაციისგან დაწესებული პრიზი ნასტასია არაბულმა დაიმსახურა.

ქარტიის პრიზი 2025-ის ფინალისტები კატეგორიაში – სიღრმისეული ან საგამოძიებო ნამუშევარი დასახელდნენ:

ნანუკა ბრეგაძე, აიდან იუსიფი, მარიამ კაჭკაჭაშვილი, „აი, ფაქტი“, ნამუშევრით „ქართული ეტიკეტის ძალა: რუსული არყის ფანერა ევროპულ ბაზარზე“;
ბასტი მგალობლიშვილი, „პუბლიკა“, ნამუშევრით „შსს პოლიციელების მიერ ნაცემ ჟურნალისტს სამართალდარღვევას ედავება“;

ქეთი თუთბერიძე, ზურა მოდებაძე „სტუდია მონიტორი“, ორნაწილიანი ნამუშევრით: „პოლიპატიმრების ქრონიკა (ნაწილი I) – პოლიტიკურად მოტივირებული საქმეები მოქალაქეთა წინააღმდეგ“; „პოლიპატიმრების ქრონიკა (ნაწილი II) – პოლიტიკურად მოტივირებული საქმე 11 ბრალდებულის წინააღმდეგ“;
თამარ გელაშვილი, ზაზა წულაძე, „სტუდია მონიტორი“, ნამუშევრით „კულტურის „თუნუქიზაცია“;

„სტუდია მონიტორი“ ნამუშევრით „გაიცანით სკამერები საქართველოდან“.

ამ კატეგორიაში გაიმარჯვა სტუდია მონიტორის ნამუშევარმა „გაიცანით სკამერები საქართველოდან“.

ჟურნალისტური ეთიკის ქარტიამ კონკურსი საუკეთესო ჟურნალისტური ნამუშევრების გამოსავლენად წელს უკვე მეცამეტედ ჩაატარა.ყოველწლიური კონკურსის მიზანი ეთიკური ჟურნალისტიკის განვითარების ხელშეწყობა და პროფესიული სტანდარტების დამკვიდრებაა.

„ქარტიის პრიზი 2025-ის“ გამარჯვებულები დაჯილდოვდნენ

ჟურნალისტური ეთიკის ქარტიის საბჭოს თავმჯდომარედ თინათინ ზაზაძე აირჩიეს

მზია ამაღლობელი ჟურნალისტიკის განვითარებაში შეტანილი წვლილისთვის დაჯილდოვდა

ჟურნალისტური ეთიკის ქარტიის საერთო კრების მონაწილეთა მიმართვა მზია ამაღლობელის გათავისუფლების მოთხოვნით

„ქარტიის პრიზი 2025-ის“ გამარჯვებულები დაჯილდოვდნენ

ADB-მა რკინიგზის ობლიგაციასთან დაკავშირებით, გარემოსდაცვით საკითხზე სარჩელი არ დააკმაყოფილა