ფაშიზმზე გამარჯვებიდან და მეორე მსოფლიო ომის დამთავრებიდან 76 წელი გავიდა.
მეორე მსოფლიო ომში ფაშიზმზე გამარჯვების 76-ე წლისთავს ხარაგაულიდან ხუთი ვეტერანი აღნიშნავს – ვერა არევაძე (ვახანი), იური ბუაჩიძე (ფარცხნალი), გრიგოლ გელაშვილი (ნადაბური), პეტრე ჩიკვაიძე (საბე), დიმიტრი (მიტუშა) ხეცაძე (კიცხი).
ხარაგაულის მერიის კულტურის სამსახურის უფროსის, ირინე ჩხეიძესგან მოპოვებული ინფორმაციით, კორონავირუსის რეგულაციების გათვალისწინებით, ხარაგაულში 9 მაისისადმი მიძღვნილი მასობრივი ღონისძიება არ გაიმართება.
ადგილობრივი ხელისუფლების წარმომადგენლები გმირთა მემორიალს ყვავილებით შეამკობენ. თითოეული ვეტერანი კი ადგილობრივი ბიუჯეტიდან 200-200 ლარს მიიღებს.
1941-45 წლებში ხარაგაულიდან მეორე მსოფლიო ომში 5 706 ჯარისკაცი იბრძოდა. მათგან 2 704 მებრძოლი შინ ვეღარ დაბრუნდა.
მეორე მსოფლიო ომში განსაკუთრებული გმირობისთვის მაშინდელი უმაღლესი ჯილდო – საბჭოთა კავშირის გმირის წოდება მიენიჭა ხუთ ხარაგაულელს: დავით ბაქრაძეს, გრიგოლ ბუაჩიძეს, ვლადიმერ ლურსმანაშვილს, გიორგი ინასარიძეს, ვახტანგ ლეჟავასა და შოთა გამცემლიძეს.
1945 წლის 25 ივნისს მოსკოვში გამართულ აღლუმში მონაწილეობდნენ ხარაგაულელები: დავით გელაშვილი, სევასტი შარიქაძე, გიორგი სახვაძე, გიორგი და ზაქარია სულაქველიძეები და მიხეილ სებისკვერაძე.
გთავაზობთ მეორე მსოფლიო ომის მონაწილეთა ფრონტულ თავგადასავლებს „ჩემი ხარაგაულის“ არქივიდან:
ხარაგაულელი გმირი ალექსანდრე ფერაძე – იზიუმის ოლქის საპატიო მოქალაქე
შაქრო მაღლაფერიძე – ასმეთაურს ოჯახში ჩემი დაღუპვის ცნობა გამოუგზავნია (ვიდეო)
ვერა მასკოვცევა-არევაძე – ცხოვრებაში მშვიდობაა მთავარი (ვიდეო)
„გადავრჩი და ცხოვრება წვალებით გავაგრძელე“ – მეორე მსოფლიო ომის ვეტერანი მიტუშა ხეცაძე
ევროკავშირის უმაღლესი წარმომადგენელი ჯოზეფ ბორელი და სამეზობლო
პრეზიდენტმა საქართველოში აკრედიტებული დიპლომატიური კორპუსის
2024 წლის 17 აპრილს გავრცელებული
ევროკავშირის სანქციებმა უკვე მნიშვნელოვნად შეასუსტა რუსეთის
მეთოთხმეტე წელია, სრულიად საქართველოს