2020 წელი ნაკიანია, თე­ბერ­ვა­ლი 29 დღე-ღა­მის­გან შედ­გე­ბა.

მზის გარშემო დედამიწის ბრუნვის პერიოდი 365,2422 დღეს შეადგენს. თუმცა გრიგორიანულ კალენდარში 365 დღეა. ყოველ წელს გროვდება საათები, რომელიც კალენდარში ვერ მოხვდა. ოთხ წელიწადში ერთხელ ეს „ზედმეტი“ საათები ერთად იყრის თავს. კალენდარსა და წლის სეზონებს შორის სხვაობის გასათანაბრებლად ყოველი მეოთხე წლის თებერვალს, კიდევ ერთი დღე – 29 თებერვალი ემატება. 29 თებერვალი იმპერატორ იულიუს კეისარის ბრძანებით შემოიღეს.

ახა­ლი სტი­ლით ნა­კი­ა­ნად ით­ვლე­ბა წე­ლი­წა­დი, რო­მე­ლიც იყო­ფა 4-ზე, გარ­და იმ წლე­ბი­სა, რო­მელ­თა ნო­მე­რი, თუმ­ცა და­ბო­ლო­ე­ბუ­ლია 2 ნუ­ლით, უნაშ­თოდ არ იყო­ფა 400-ზე (მაგ., 1800, 1900, 2100).

აშშ ქალაქ ანტონიაში 29 თებერვალს ოთხდღიანი ფესტივალი ტარდება ამ დღეს დაბადებულების დაბადების დღეების აღსანიშნავად.

1288 წელს შოტ­ლან­დი­ა­ში მი­ი­ღეს კა­ნო­ნი, რომ­ლის თა­ნახ­მა­დაც 29 თებერ­ვალს გო­გო­ნას აქვს უფ­ლე­ბა, მა­მა­კაცს და­ქორ­წი­ნე­ბა შეს­თა­ვა­ზოს. მოგ­ვი­ა­ნე­ბით ეს ტრა­დი­ცია ინ­გლის­სა და და­ნი­ა­შიც გავ­რცელ­და. თუმ­ცა, ამ კა­ნონ­მა იუ­რი­დი­უ­ლი სტა­ტუ­სი მხო­ლოდ შოტლანდი­ა­ში შე­ი­ნარ­ჩუ­ნა.

საინტერესოა, რომ აშშ-ის საპრეზიდენტო არჩევნები და ზაფხულის ოლიმპიური თამაშები ყოველთვის ნაკიან წელს ტარდება.

29 თებერვალსაა დაბადებული ცნობილი ჟურნალისტი დათო ლიკლიკაძე, რომელიც ამბობს, რომ თავისი ორიგინალური დაბადების დღე ძალიან უყვარს და ყოველ ნაკიან წელს განსაკუთრებულად აღნიშნავს.

„თუ წელიწადი ნაკიანი არაა, დაბადების დღეს 1 მარტს აღვნიშნავ. მოლოცვები 28 თებერვალს იწყება და პირველ მარტსაც გრძელდება. 29 თებერვალი რომ თენდება, ყოველთვის განსაკუთრებული ემოცია მაქვს. ხშირად ვხუმრობ, რომ მხოლოდ 10 წლის ვარ. თქვენ თუ ყოველ წელს ერთი წელი გემატებათ, მე მხოლოდ ოთხ წელიწადში ერთხელ – „ვბერდები“. ასე რომ, წელს 11 წლის ვხვდები.

ყველაზე გამორჩეული დაბადების დღე ოთხი წლის წინ, საბერძნეთში მქონდა. ათენში ხალხური სიმღერისა და ცეკვის ანსამბლის კონცერტი მიმყავდა. 29 თებერვალს დაემთხვა. იქ არის ცენტრი „კავკასია“, ქართველების შეკრების ადგილი. დაბადების დღე იქ გადამიხადეს. მეგობრებისგან, კოლეგებისგან, ნაცნობებისგან ამ დღეს შვიდი უზარმაზარი ტორტი მივიღე. ყოფილა შემთხვევა, დაბადების დღეზე ორი ტორტი მიმიღია, მაგრამ  შვიდი ტორტი ერთად ძალიან ბევრი გამოვიდა. იმდენმა ადამიანმა მომილოცა, თავი უხერხულად ვიგრძენი. საჩუქრების წამოსაღებად, აეროპორტში დამატებით ერთი ბარგის ღირებულება გადავიხადე.

ბევრი მეუბნება, როგორი ორიგინალურიც ხარ, დაბადების დღეც ასეთივე გამორჩეული გაქვსო. თუმცა ჩემს ცნობილობას, წარმატებასა თუ ორიგინალურობას მხოლოდ დაბადების დღის „დამსახურებად“ ვერ ჩავთვლი. ამას, უფრო კომუნიკაბელურობას უნდა ვუმადლოდე. ნებისმიერ ადამიანთან ურთიერთობაში იოლად შევდივარ. იმ ადამიანებთანაც კი ვმეგობრობ, ვინც ნაკლებად კომუნიკაბელურია. ამაში იუმორიც მეხმარება. თუმცა წარმატება ასევე უძილო ღამეებისა და უდიდესი შრომის შედეგია. შრომა ძალიან მიყვარს, სულ ვმუშაობ.

29 თებერვლის შემდეგ გაზაფხული მოდის. მინდა ყველა ხარაგაულელს მშვიდობიანი და ბედნიერი გაზაფხული ვუსურვო. ხარაგაული რომ ქუთაისის შემდეგ ყველაზე ძალიან მიყვარს, ეს ცნობილია. წინა წლებში სწორედ გაზეთში „ჩემი ხარაგაული“ დაიბეჭდა ჩემი წერილი „ხარაგაული უნდა გიყვარდეს“. ვთვლი, რომ ყველაზე თბილი და კარგი ხალხი ხარაგაულში ცხოვრობს. ეს არაერთ შეხვედრაზე, გამოსვლაში, სტატიასა თუ სუფრაზე მითქვამს და კიდევ მრავალჯერ გავიმეორებ“, – ამბობს დათო ლიკლიკაძე.

რადგან თავად აღნიშნა, ჩვენც შეგახსენებთ, თუ რას წერდა დავით ლიკლიკაძე 1998 წელს ხარაგაულზე ჩვენს გაზეთში: „…იგი არც საპორტო ქალაქია და არც საზღვაო, აქ არც ზღვაა და არც საზღვარი. იგი არც დედაქალაქია და არც სამრეწველო ცენტრი. არ შეიძლება, ხარაგაული დაგჭირდეს. იგი უნდა გიყვარდეს. გიყვარდეს და სხვა არაფერი…“

ხარაგაულში 29 თებერვალს დაბადებული ოთხი ადამიანი მოვიძიეთ. თუმცა მხოლოდ ორ მათგანთან შევძელით დაკავშირება.

„ახლა იმდენად ცუდად ვარ, არანაირი დაბადების დღე აღარ მახსოვს. დიდი მადლობა მოლოცვისათვის“, – გვითხრა დიდვაკეში მცხოვრებმა, 29 თებერვალს დაბადებულმა ნაილი ლაცაბიძემ.

საქარიქეთელი ზვიად მესხი 29 თებერვალს 40 წლის გახდება. თუმცა ხუმრობს, რომ ჯერ 10 წლისაა.

„თუ ნაკიანი წელიწადი არ არის, დაბადების დღეს, მეგობრებთან ერთად, 28 თებერვალს აღვნიშნავ.  ყველას – ვინც 28 და 29 თებერვალსაა დაბადებული, – დაბადების დღეს ვულოცავ“, – ამბობს ზვიადი მესხი.

თამთა გოგოლაძე

თქვენ ასევე დაგაინტერესებთ:
დათო ლიკლიკაძე – 90-იან წლებში კარგი დირექტორის წყალობით გადავრჩით

დავით ლიკლიკაძე – ხარაგაულში ღვთის წყალობას იგძნობ

დამოუკიდებელი მედია გვაწვდის რეალურ ინფორმაციას, პროპაგანდის მსხვერპლი რომ არ აღმოვჩნდეთ

სასარგებლო ინფორმაცია სტამბულში მოგზაურთათვის დათო ლიკლიკაძისგან