მომავალ ლიდერთა გაცვლითი პროგრამა FLEX-ის 2025-2026 აკადემიური წლისთვის რეგისტრაცია 2024 წლის 26 სექტემბერს დასრულდება.

ამ პროგრამის პირველ ეტაპზე რეგისტრაციის მსურველებმა უნდა დააკმაყოფილონ შემდეგი კრიტერიუმები:

  • მოსწავლე უნდა იყოს დაბადებული 2008 წლის 1 იანვრიდან – 2010 წლის 15 ივლისის ჩათვლით;
  • მონაწილე უნდა იყოს მე-9, მე-10 ან მე-11 კლასელი;
  • მოსწავლე უნდა იყოს საქართველოს მოქალაქე;
  • მოსწავლეს ბოლო 5 წლის განმავლობაში არ უნდა ჰქონდეს ნაცხოვრები აშშ-ში 90 დღეზე მეტი;
  • მოსწავლე უნდა აკმაყოფილებდეს აშშ-ის ვიზის მოთხოვნებს;
  • მონაწილემ აპლიკაცია უნდა შეავსოს იმ ქვეყნიდან, რომლის მოქალაქეც არის.

მონაწილეების შერჩევა ხდება სამ ეტაპად:

  • 1-ლი ეტაპი – პირადი ინფორმაცია და 3 ესე;
  • მე-2 ეტაპი – მოკლე (15 წუთიანი) ინგლისურის ტესტი;
  • მე-3 ეტაპი – მშობლებთან შეხვედრა, ინგლისური ენის ტესტირება, დამატებითი ესეები, აპლიკაცია, გასაუბრება.

ამერიკის სახელმწიფო დეპარტამენტის განათლებისა და კულტურის საქმეთა ბიუროს კულტურული გაცვლითი პროგრამა FLEX საქართველოს საერთაშორისო განათლების ამერიკული საბჭოების ფილიალის მიერ ხორციელდება და მას მხარს უჭერს განათლებისა და მეცნიერების სამინისტრო.

პროგრამა ქართველ მონაწილეებს სთავაზობს შესაძლებლობას, რომ უფასოდ ისწავლონ ამერიკულ სკოლაში და იცხოვრონ ამერიკელ მასპინძელ ოჯახებში ერთი აკადემიური წლით.

შერჩეულ მონაწილეებს აფინანსებს ამერიკის სახელმწიფო დეპარტამენტი.

დამატებითი ინფორმაციისთვის ეწვიეთ ვებგვერდს.

P.S. FLEX-ის პროგრამით ამერიკაში ხარაგაულიდან 2016-2017 წელს ფერიდე ბერაძე სწავლობდა, 2019-2020 წლებში – სალომე მაჭავარიანი, 2021-2022 წლებში კი კესო ჩხიკვაძე.