ქალთა საინფორმაციო ცენტრმა, დანიური ორგანიზაცია KVINFO-სა და დანიის საგარეო საქმეთა სამინისტროს მხარდაჭერით, განახორციელა პროექტი „ქალთა გაძლიერება და სრულფასოვანი მონაწილეობა ადგილობრივი გენდერული პოლიტიკის განხორციელებაში“.

ამ პროექტის ფარგლებში საქართველოს ხუთ მუნიციპალიტეტში (ბოლნისი, ხარაგაული, ზუგდიდი, ქედა, ხაშური), 2022 წლის ზაფხულში, ჩატარდა გენდერული სტერეოტიპებისა და მავნე წეს-ჩვეულებების კვლევა.

გთავაზობთ ვიდეორგოლს ამ კვლევის რამდენიმე მიგნების თემაზე. კერძოდ, კვლევის შედეგებმა აჩვენა, რომ საქართველოში:

  • კვლავ მყარია ოჯახების განსხვავებული დამოკიდებულება გოგონასა და ვაჟის დაბადების მიმართ, ვაჟის დაბადებას კვლავ მეტი უპირატესობა ენიჭება. თუ ოჯახს ვაჟი უნდა, ხოლო ქალი გოგონაზეა ორსულად, მაშინ სელექციური აბორტის გამოყენებაც ხდება არასასურველი ორსულობის შესაწყვეტად.
  • კვლავ მყარად მოქმედებს სტერეოტიპი, რომ მშობლების უძრავი ქონების მემკვიდრეს მხოლოდ ვაჟი წარმოადგენს.
  • მყარია სტერეოტიპი, რომ გათხოვების შემდეგ ქალმა ბავშვი მალევე, სასურველია, პირველივე წელს, უნდა გააჩინოს. საკმაოდ მაღალია ვაჟის ოჯახის ზეწოლა ამ თვალსაზრისით. საზოგადოებაც ამ სახის მოლოდინს აქტიურად გამოხატავს.

მოვუსმინოთ, რას ფიქრობს ამ გენდერულ სტერეოტიპებთან დაკავშირებით ნიკოლოზ მაჭავარიანი, – ისტორიკოსი ხარაგაულიდან.

ლაურა გოგოლაძე

გენდერის თემაზე თქვენ ასევე დაგაინტერესებთ:

რთულია იყო აქტიური ქალი, ეს საზოგადოებისგან მძიმე წნეხია – ინგა მაღრაძე

მოძალადეს საზოგადოების დუმილი კვებავს

საკრებულოში არჩეული ქალები მოსახლეობის ნდობას ვამართლებთ – ლენა აბაშიძე

გენდერული თანასწორობის მისაღწევად  ქალებს უნდა მოვუსმინოთ

კოორდინატორი ქალების საქმიანობა გენდერული ძალადობის სპეციფიური ფორმაა

ქალები არაფორმალურ შრომაში – უხილავი საფრთხე სიბერეში