ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, სამ ხარაგაულელს კორონავირუსი დაუდასტურდა.

მათგან ერთი 13 ოქტომბერს ხარაგაულში, სოფელ კიცხში, იმყოფებოდა. ჯანდაცვის ცენტრის ინფორმაციით, მოკვლეულია ინფიცირებულის ყველა კონტაქტი და 17 პირი თვითიზოლაციაშია.

სოფელ კიცხიდანაა მეორე ინფიცირებულიც, რომელიც ამჟამად ზესტაფონში იმყოფება, ხოლო მესამე ინფიცირებული სოფელ ქვებიდანაა, ის სტუდენტია და ვირუსი ქუთაისში დაუდასტურდა.

ამჟამად თვითიზოლაციაში ხარაგაულში 70 პირი იმყოფება.