მოლითი-ფონა-ჩუმათელეთის საავტომობილო გზის მონაკვეთი, სოფელ გოლათუბანში, სარეაბილიტაციო სამუშაოების გამო, 15 აგვისტოდან ჩაკეტილია.

საავტომობილო გზების დეპარტამენტის ინფორმაციით, გზის ამ მონაკვეთის გახსნა 2026 წლის 20 სექტემბრისთვის იგეგმება.

„შიდასახელმწიფოებრივი მნიშვნელობის – ძირულა-ხარაგაული-მოლითი-ფონა-ჩუმათელეთის საავტომობილო გზის კმ26-კმ50 მონაკვეთის (სექცია 2) დარჩენილი სარეაბილიტაციო სამუშაოების წარმოების ფარგლებში, აღნიშნული საავტომობილო გზის 34-ე კმ-ზე გათვალისწინებული სამუშაოების წარმოებისათვის, საჭიროა სავალი ნაწილის ჩაკეტვა მიმდინარე წლის 20 სექტემბრის ჩათვლით“, – აღნიშნულია საავტომობილო გზების დეპარტამენტისგან გავრცელებულ განცხადებაში.

მოძრაობის შეზღუდვის პერიოდში, ავტოტრანსპორტის გადაადგილება შესაძლებელი იქნება შიდასახელმწიფოებრივი მნიშვნელობის ხევი-ვერტყვიჭალა-შორაპანის გზით.

მოლითი-ფონა-ჩუმათელეთის საავტომობილო გზას ტენდერში გამარჯვებული კომპანია „New Road“ 2023 წლის ნოემბრიდან აშენებს.

ამ კომპანიიდან მოპოვებული ინფორმაციით, გზის მშენებლობის დასრულების ვადა, სავარაუდოდო ერთი თვით გადაიწევს და 2026 წლის ოქტომბერში დასრულდება.