ხარაგაულის მუნიციპალიტეტში, უკვე მეოთხე წელია, „სამოქალაქო ბიუჯეტირების პროგრამა“ ხორციელდება.

ეს პროგრამა 2022 წელს გერმანიის საერთაშორისო თანამშრომლობის საზოგადოების (GIZ) მხარდაჭერით დაინერგა და მოქალაქეებისგან წარდგენილი იდეების ადგილობრივი ბიუჯეტიდან დაფინანსებას გულისხმობს.

2022-2025 წლებში ხარაგაულის მუნიციპალიტეტში ამ პროგრამით 30 ინფრასტრუქტურული პროექტი განხორციელდა.

2026 წელს ამ პროგრამის ბიუჯეტი 300 000 ლარია. თითოეული პროექტის ღირებულება 30 000 ლარს არ უნდა აღემატებოდეს. წელს დაინტერესებულმა მოქალაქეებმა 26 საპროექტო წინადადება წარადგინეს. მათგან 15 პროექტი შეარჩია ხარაგაულის მერიაში შექმნილმა კომისიამ, იმისდა მიხედვით, თუ რამდენად რეალურია წარდგენილი იდეები.

7 სექტემბერს დაიწყო და 11 ოქტომბერს დასრულდება „სამოქალაქო ბიუჯეტირების პროგრამის“ ფარგლებში მეორე ეტაპზე გადასული პროექტებისთვის ელექტრონულად ხმის მიცემა ვებგვერდზე kharagauli-vote.rerodev.com – ერთ პირს შეუძლია, ხმა სამ პროექტს მისცეს.

გთავაზობთ II ეტაპზე გადასული პროექტების ჩამონათვალს:

  1. საქასრიაში – საბავშვო სპორტულ-გამაჯანსაღებელი სკვერის მოწყობა (იდეის ავტორი ანა ლურსმანაშვილი);
  2. წყალაფორეთში – ღია სპორტული მოედნის მოწყობა სამაგიდო თამაშებისთვის (იდეის ავტორი ანა ნიქაბაძე);
  3. ვახანში – ელაზნაურის ეკლესიის და სასაფლაოს შემოღობვა (იდეის ავტორი ლაშა ღონღაძე);
  4. 4. ხარაგაულში – ცენტრალურ პარკში გასართობი სივრცეების მოწყობა (იდეის ავტორი დიმიტრი ჩიკვაიძე);
  5. კიცხში – წყაროს გაწმენდა და რეაბილიტაცია (იდეის ავტორი ელისო არჯევანიძე);
  6. საღანძილეში – კომბინირებული მინი სტადიონის მოწყობა (იდეის ავტორი ირაკლი კიკნაძე);
  7. ზვარეში – მინი მოედანზე ხელოვნური საფარის მოწყობა (იდეის ავტორი ირმა გერლიანი);
  8. მოლითში – მინი მოედნის მოწყობა (იდეის ავტორი ჯიმშერ ცუცქირიძე);
  9. ფარცხნალში – სტადიონის მშენებლობა (იდეის ავტორი რუსუდან გოგოლაძე);
  10. გრიგალათში – სკვერის მოწყობა (იდეის ავტორი ია მახათაძე);
  11. ღორეშაში – ვაჟას ხეივნის მოწყობა (იდეის ავტორი თეიმურაზ კუპრაძე);
  12. ბორითში – არსებული საფეხბურთო სტადიონის რეაბილიტაცია (იდეის ავტორი ლევან დონაძე);
  13. მაქათუბანში – გარე განათების მოწყობა (იდეის ავტორი ნანა პაქსაშვილი);
  14. ხუნევში – სასაფლაოს მოწესრიგება (იდეის ავტორი მამუკა ლომიძე);
  15. გედსამანიაში – სპორტულ-გამაჯანსაღებელი სკვერის მოწყობა (იდეის ავტორი იური ჩადუნელი).