7 ივლისს საქართველოში კორონავირუსის 5 ახალი შემთხვევა დაფიქსირდა, ხოლო 8 პაციენტი გამოჯანმრთელდა.

მონაცემები ამ დილით საქართველოს მთავრობის მიერ შექმნილ სპეციალურ ვებგვერდზე stopcov.ge-ზე განახლდა.

ინფექციური საავადმყოფოს კლინიკური დირექტორის, მარინა ეზუგბაიას, თქმით, ხუთივე ახალი შემთხვევა შემოტანილია. აქედან სამი სატვირთო ავტომობილის მძღოლია, ხოლო დანარჩენი ორი ჩვეულებრივი მოქალაქეები  არიან.

მისი თქმით, პაციენტების მდგომარეობა სტაბილურია და დაავადების პროგრესირება არ აღენიშნებათ.

კოვიდცენტრებში სულ 105 დადასტურებული პაციენტი მკურნალობს.

ამ დროისთვის, stopcov.ge-ის განახლებული მონაცემები ასე გამოყურება:

  • კორონავირუსის დადასტურებული შემთხვევა – 958;
  • მათ შორის გამოჯანმრთელებული – 838;
  • მათ შორის გარდაცვლილი – 15;
  • კარანტინის რეჟიმში – 3903;
  • სტაციონარში მეთვალყურეობის ქვეშ – 20;
  • უცხოეთიდან სამკურნალოდ გადმოყვანილი საქართველოს მოქალაქეები – 3.