5 ივლისს ხარაგაულის ისტორიულ მუზეუმში მხატვარ ლევან ცუცქირიძის სახელობის ქართული სახვითი ხელოვნების ცენტრი გაიხსნება.

ამ ცენტრში სხვადასხვა თაობის მხატვრებისა და მოქანდაკეების მიერ შესრულებული 150-მდე ნამუშევარი გამოიფინება.

ხარაგაულის ისტორიულ მუზეუმში ახალი ექსპონატები ლევან ცუცქირიძის შვილმა, მხატვარმა და მოქანდაკე მამუკა ცუცქირიძემ თავის მეგობრებთან – გიორგი მადათოვთან და გიორგი ჭანკოტაძესთან ერთად ჩამოიტანა.

ხარაგაულის კულტურისა და ხელოვნების ცენტრის მიერ გავრცელებული ინფორმაციით, ხარაგაულის ისტორიულ მუზეუმში ლევან ცუცქირიძის სახელობის დაწყებითი სამხატვრო სკოლა-სტუდია „ფრესკა“ ამოქმედდება. დაინტერესებული ახალგაზრდები შეისწავლიან სახვით ხელოვნებას, ქართული ტრადიციული ხელოვნების დარგებს – ხატვას, ფერწერას, კერამიკას, ჭედურობას, ქსოვას, მინანქარს და სხვ.

ფერმწერი, პროფესორი, „ხელოვნების ქურუმი“ მხატვარი ლევან ცუცქირიძე 93 წლისაა. 2017 წელს მისი ინიციატივით ხარაგაულის ისტორიულ მუზეუმს თანამედროვე გამოჩენილი ქართველი მხატვრების ნამუშევრები საჩუქრად გადმოეცა. 

ი