მოლითი-ფონა-ჩუმათელეთის გზის მშენებლობისთვის მიმდინარე საერთაშორისო ტენდერი ჩაშლილად გამოცხადდა.

საავტომობილო გზების დეპარტამენტისგან მოპოვებული ინფორმაციით, ამ ტენდერში, მხოლოდ ერთი მშენებელი კომპანია ჩაერთო და მის შერჩევა-შეფასებაში, დეპარტამენტთან ერთად, ამ პროექტის დამფინანსებელი – აზიის განვითარების ბანკი მონაწილეობდა.

რა გახდა ტენდერის ჩაშლის მიზეზი და როდის გამოცხადდება ტენდერი ხელახლა მოლითი-ფონა-ჩუმათელეთის გზის მშენებლობისთვის, – ამ შეკითხვებით საავტომობილო გზების დეპარტამენტს მივმართეთ. მათგან პასუხს მიღებისთანავე გაცნობებთ.

ათეული წლებია, ჩხერიმელას ხეობის სოფლებში მცხოვრები მოსახლეობა უგზოობით, დატანჯულია. მოლითი-ჩუმათელეთის გზის მშენებლობა 2018 წლის დეკემბერში კომპანია „აკკორდმა“ დაიწყო და სამუშაოები 29 თვეში უნდა დაესრულებია.

ვალდებულებების შეუსრულებლობის გამო, კომპანია „აკკორდთან“ საავტომობილო გზების დეპარტამენტმა ხელშეკრულება 2022 წლის თებერვალში გაწყვიტა.

ამავე თემაზე

რა ეშველება მოლითი-ჩუმათელეთის გზას ანუ „უპატრონო ქვეყანაში სამართლის აღსრულებას ვითხოვ“ – დავით კალმახელიძე