ბოლო რამდენიმე დღეა, ბუნებრივი აირის მომხმარებლები უკმაყოფილებას გამოთქვამენ მკვეთრად გაზრდილი გადასახადების გამო.

ამასთან დაკავშირებით, ენერგოომბუდსმენი ავრცელებს განცხადებას, სადაც ამის შესაძლო მიზეზებს განმარტავს:

„ენერგოომბუდსმენის სამსახურს მომხმარებლები აქტიურად მოგვმართავენ და გამოთქვამენ პრეტენზიებს ბუნებრივი გაზის მკვეთრად გაზრდილი გადასახადების გამო.

აღნიშნულთან დაკავშირებით, პირველ რიგში, დამცველის სამსახური განმარტავს, რომ ბუნებრივი გაზის ტარიფი არ გაზრდილა.

გაზრდილი ხარჯი, შესაძლოა, გამოწვეული იყოს სხვადასხვა მიზეზით, მათ შორის:

  • მრიცხველის ჩვენების არასწორად წაკითხვა;
  • მრიცხველის ტექნიკური დაზიანება;
  • კერძო სახლებში, სადაც გაზის ქსელი ეზოშია განთავსებული, დიდთოვლობისა და ძლიერი ყინვის პერიოდში შესაძლებელია, რომ ქსელის გარკვეული მონაკვეთები დაზიანდეს და წარმოიშვას გაზის გაჟონვა, რაც შესაძლოა გახდეს მოხმარებისა და გადასახადის ზრდის მიზეზი;
  • ასევე სხვა ფაქტორებით, რაც თითოეულ შემთხვევაში ინდივიდუალური შესწავლის საგანია.

გაცნობებთ, რომ აღნიშნულ საკითხთან დაკავშირებით მოქალაქეებს შეუძლიათ მიმართონ ენერგოომბუდსმენის სამსახურს.

მიმართვის შემთხვევაში:

  • დაიწყება საქმის სამართლებრივი შესწავლა;
  • შეფასდება დარიცხვის კანონიერება;
  • ბუნებრივი გაზის მიწოდება არ შეგიწყდებათ სადაო თანხის გადაუხდელობის გამო – დავის დასრულებამდე.

მიგვმართეთ ენერგოომბუდსმენის სამსახურს შეტყობინებით ან ოფიციალური საკომუნიკაციო არხების მეშვეობით.

  • ქ. თბილისი, მიცკევიჩის ქუჩა №27ბ;
  • ქ. ქუთაისი, გრიშაშვილის ქუჩა №16;
  • ქ. თელავი, ერეკლე მეორის ქუჩა №16;
  • ქ. ბათუმი, კლდიაშვილის ქუჩა №10;
  • ცხელი ხაზი (+995 32) 2 42 01 90.

წყარო