ხარაგაულში სამოქალაქო ბიუჯეტირების პროგრამით შერჩეული ხუთი პროექტისთვის გამოცხადებული ტენდერებიდან სამი არ შედგა.
ხარაგაულის მუნიციპალიტეტის მერიის შესყიდვების სამსახურის უფროსი, ზურაბ იჩიქიტიძე ამბობს, რომ კიცხში „ლილეს წყაროს“, ღორეშაში მინი ფეხბურთის მოედნის, ვერტყვიჭალაში ტრენაჟორებისა და ფანჩატურის მოსაწყობად ტენდერები ხელმეორედ უახლოეს დღეებში გამოცხადდება. მისივე თქმით, ამ პროექტების ხარჯთაღრიცხვა ექსპერტიზის მიერ შემოწმებულია და საბაზრო ფასებთან შესაბამისობაშია.
სამოქალაქო ბიუჯეტირების პროგრამით შერჩეულ ორ პროექტს – დ. ხარაგაულში ფრენბურთის მოედნის მშენებლობასა და ხარაგაულის სერზე ტურისტული ლოკაციის მოწყობას – ტენდერში გამარჯვებულმა კომპანიამ შპს „თენაბა-2015“ უნდა განახორციელოს.
საქართველოსა და გერმანიის მთავრობების თანამშრომლობის ფარგლებში ხარაგაულის მუნიციპალიტეტში „სამოქალაქო ბიუჯეტირების პროგრამა“ მიმდინარეობს.
ამ პროგრამის განსახორციელებლად ხარაგაულის ბიუჯეტში 150 ათასი ლარია განსაზღვრული.
1 ოქტომბრის დღის ბოლოდან 3 ოქტომბრის დღის მეორე ნახევრამდე საქართველოში
ხარაგაულის მუნიციპალიტეტში მოქმედ ღორეშისა და ვერტყვიჭალის
1 ოქტომბერი ხანდაზმულთა საერთაშორისო დღეა – ეს თარიღი 1991 წლიდან აღინიშნება.
ხშირად ადამიანები მუდმივ დაღლილობას, წონის
მთავრობამ პარლამენტს 2027 წლის სახელმწიფო ბიუჯეტის პროექტი წარუდგინა.