2- დან 15 მაისის ჩათვლით პირველკლასელთა რეგისტრაციის მეორე ეტაპი მიმდინარეობს, 17 მაისიდან კი პირველკლასელთა საყოველთაო რეგისტრაცია დაიწყება.

პირველ ეტაპზე სკოლებში სპეციალური საგანმანათლებლო საჭიროების მქონე ბავშვები რეგისტირდებიან, მეორე ეტაპზე ის პირველკლასელები რომელთა:

  • და-ძმაც სწავლობს სასურველ სკოლაში;
  • მშობელი ამავე სკოლის თანამშრომელია;
  • ოჯახიდან ერთდროულად ორი ან მეტი ბავშვი შედის პირველ კლასში.

ხარაგაულის სასულიერო გიმნაზიაში 10 მომავალი პირველკლასელი უკვე დარეგისტრირდა, გიმნაზიის დირექცია 2023-2024 სასწავლო წლისათვის  პირველ კლასში იწვევს ბავშვებს, რომელთაც 6 წელი პირველ ნოემბრამდე უსრულდებათ.

ამ დრომდე სამჯერ ავტორიზებული გიმნაზიის აღმასრულებელი დირექტორი და პედაგოგები მომავალ პირველკლასელებს და მათ მშობლებს სათანადოდ აღჭურვილ, მოწესრიგებულ სასწავლო გარემოში იწვევენ და მათი სწავლის, შემეცნებითი, კულტურული და სპორტული განვითარებისთვის შესაბამის პირობებს ჰპირდებიან.