შიდასახელმწიფოებრივი მნიშვნელობის – ხაშური-სურამი-რიკოთისგვირაბის შემოვლითი გზის რეაბილიტაციისთვის საავტომობილო გზების დეპარტამენტმა ტენდერი გამოაცხადა.

სურამი-ჩუმათელეთის (გრ. სურამელის და თამარ მეფის ქუჩები) გზის ამ მონაკვეთის სიგრძე 6,8 კილომეტრია, მჭიდროდ დასახლებულ ტერიტორიაზე გადის და არსებული გზის საფარი ძლიერ დაზიანებულია.

პროექტის შესაბამისად დაგეგმილია:

  • ასფალტის საფარისა და ხელოვნური ნაგებობების მოწყობა;
  • მეწყრულ მონაკვეთზე რკინაბეტონის კედლის, კიუვეტების, მიერთებების, გადაკვეთების, მოსახელობის ეზოებში შესასვლელებისა და საგზაო ნიშნების მოწყობა.

პროექტი სახელმწიფო ბიუჯეტიდან ფინანსდება და შესყიდვის სავარაუდო ღირებულება 27 698 647 ლარს შეადგენს. სატენდერო წინადადებების მიღება 2026 წლის 17 ოქტომბერს დაიწყება და 22 ოქტომბერს დასრულდება.

სატენდერო დოკუმენტაციის თანახმად, გამარჯვებული მიმწოდებელი ვალდებულია, სამუშაოები შემსყიდველის წერილობითი დავალების გაცემიდან 18 თვის ვადაში დაასრულოს.

წყარო