ხაშური-ზესტაფონის მიმართულებით, მომავალი კვირიდან, საგარეუბნო მატარებლით გადადგილებას მგზავრებიც შეძლებენ.

რკინიგზელთა მატარებელს ერთი ვაგონი დაემატება. ამ მატარებლის მიმოსვლის განრიგი ასეთია:

  • ზესტაფონი-ხაშური – 06:05 სთ.;
  • ხაშური-ზესტაფონი – 10:20 სთ.;
  • ზესტაფონი-ხაშური – 14:20 სთ.;
  • ხაშური-ზესტაფონი – 17:05 სთ.

მგზავრებისთვის ვაგონის დამატების შესახებ ეს გადაწყვეტილება „საქართველოს რკინიგზამ“ დღეს მიიღო.

საჩხერე-ჭიათურა-ხარაგაულის მაჟორიტარი დეპუტატის, პაატა კვიჟინაძისგან მოპოვებული ინფორმაციით, მისი ჩართულობით მიმდინარე მოლაპარაკებები „საქართველოს რკინიგზასთან“, მოსახლეობის სასარგებლოდ გადაწყდა.

„რამდენჯერმე შევხვდი „საქართველოს რკინიგზას“ ხელმძღვანელობას, მთავრობის წარმომადგენლებს, – ამბობს პაატა კვიჟინაძე, – დღეს დამირეკეს და მითხრეს, რომ თუ მგზავრები იქნებიან, ხაშური-ზესტაფონის მონაკვეთზე რკინიგზელთა ვაგონს ერთი ვაგონი სხვა მგზავრებისთვისაც დაემატება.

მომავალ კვირაში ზუსტად რომელი დღიდან დაემატება მგზავრებისთვის ვაგონი, ჯერ არ ვიცით. ტექნიკური საკითხებია მოსაგვარებელი“.

ჩხერიმელას ხეობის სოფლების მოსახლეობისთვის ხაშური-ზესტაფონის მიმართულებით ხელსაყრელ დროს მგზავრობა სასიცოცხლოდ მნიშვნელოვანი საკითხია.

მოსახლეობა ამ დრომდე ასევე ქუთაისი-თბილისის მატარებლის დანიშვნას ითხოვს.

ნინო კაპანაძე

ამავე თემაზე

მოსახლეობა შუადღის „მასტერაოსა“ და ქუთაისი-თბილისის მატარებლის აღდგენას ითხოვს

ჩხერიმელას ხეობის მოსახლეობა უტრანსპორტობით გაწამებულია