ხარაგაულის საზოგადოებრივი ჯანდაცვის ცენტრი დღეიდან, 25 თებერვლიდან,მუნიციპალიტეტში მოქმედი საბავშვო ბაღების თანამშრომელთა კორონავირუსზე ტესტირებას იწყებს.

ექიმ ნინო ყიფშიძესგან მოპოვებული ინფორმაციით, დღეს და ხვალ ხარაგაულის #1 და #2 საბავშვო ბაღების თანამშრომლები გაიტესტებიან, შემდგომ დღეებში კი – დანარჩენი საბავშვო ბაღების.

საბავშვო ბაღების ფუნქციონირება, საქართველოს მთავრობისა და საკოორდინაციო საბჭოს გადაწყვეტილებით, პირველი მარტიდან განახლდება. 

ბაღების გახსნის წინაპირობა ორ კვირაში ერთხელ თანამშრომლების 20%-ის ტესტირება იქნება.

ხარაგაულში საბავშვო ბაღები მუშაობას ეტაპობრივად შეუდგებიან.