საკოორდინაციო საბჭოს გადაწყვეტილებით, კერძო და საჯარო საბავშვო ბაღები მუშაობას 1 მარტიდან განაახლებენ.

ამის შესახებ პრემიერმინისტრმა ირაკლი ღარიბაშვილმა დღეს, 24 თებერვალს, განაცხადა.

მისი ინფორმაციით, ბაღების გახსნის წინაპირობა ორ კვირაში ერთხელ თანამშრომლების 20%-ის ტესტირება იქნება.

პირველი მარტიდან ასევე იხსნება შემდეგი შეზღუდვები:

-უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ;

-მუზეუმები და ბიბლიოთეკები მუშაობას განაახლებენ;

-ბათუმში რესტორნებს სტუმრების მიღება შეეძლებათ შიდა სივრცეში (შაბათ-კვირის გარდა);

-ნებადართულია კონფერენციებისა და ტრენინგების ჩატარება.

შეზღუდვების შემსუბუქების გრაფიკი იხილეთ ბმულზე.