დღეს, საქართველოს პრემიერ მინისტრმა მამუკა ბახტაძემშვიდ რეგიონში, მათ შორის იმერეთში, ახალი გუბერნატორები წარადგინა.

იმერეთის მხარის გუბერნატორად შავლეგო ტაბატაძე დაინიშნა.

შავლეგო ტაბატაძე 1977 წლის 12 თებერვალს საჩხერის რაიონის სოფელ ლიჩში დაიბადა. ჰყავს მეუღლე – ეკატერინე ბარბაქაძე და ოთხი შვილი – სამი ქალიშვილი და ერთი ვაჟი.

იმერეთის გუბერნატორად დანიშვნამდე, გენერალი შავლეგო ტაბატაძე საქართველოს შეიარაღებულ ძალებში სახმელეთო ჯარების აღმოსავლეთ სარდლის პოსტს იკავებდა.

შეკითხვაზე, თუ რატომ გადაწყვიტა თავდაცვიდან პოლიტიკაში წასვლა, შავლეგო ტაბატაძე პასუხობს: „მთავარია, ჩვენს ქვეყანას ვემსახუროთ და არ აქვს მნიშვნელობა, შეიარაღებულ ძალებში ვიქნებით, თუ სამოქალაქო სამსახურში.“