ზედა პალეოლითის ხანის ადამიანის მღვიმე-ნამოსახლში – დევის ხვრელში არქეოლოგები მუშაობენ.

„თითქმის ასი წლის შემდეგ დევისხვრელში ისევ განახლდა არქეოლოგიური სამუშაოები… მაშინაც გიორგი ნიორაძე თხრიდა… ოღონდ უფროსი გიორგი ნიორაძე, ჩემი ბაბუა…“ – წერს სოციალურ ქსელში არქეოლოგი გიორგი ნიორაძე.

დევისხვრელი მდებარეობს ხარაგაულის შესასვლელში, მდინარე ჩხერიმელას მარჯვენა ნაპირას, ხანდების კლდეში, ზღვის დონიდან 340 მ. მღვიმე კარსტული წარმოშობისაა (სიღრმე 40 მ, შესასვლელის სიმაღლე 5 მ, სიგანე 4 მ).

ზედა პალეოლითის ხანის ადამიანის სადგომი 1926 წელს პროფესორმა გიორგი ნიორაძემ აღმოაჩინა.

დევისხვრელის შესწავლამ დასაბამი მისცა საქართველოში ქვის ხანის ძეგლების სისტემატურ არქეოლოგიურ კვლევა-ძიებას.