სომხეთის საპარლამენტო არჩევნების წინასწარი ოფიციალური შედეგებით,

ქვეყნის უმაღლესი საკანონმდებლო ორგანოს, 105-წევრიანი ეროვნული კრების შემადგენლობაში ოთხი პოლიტიკური გაერთიანება იქნება.

სომხეთის ცენტრალური საარჩევნო კომისიის მიერ 8 ივნისს დილის ათი საათისთვის გამოცხადებული წინასწარი შედეგებით, რომლებიც ყველა, 2005-ვე საარჩევნო უბნის მონაცემებს ეფუძნება:

  • პრემიერ-მინისტრ ნიკოლ ფაშინიანის პარტია „სამოქალაქო შეთანხმებას“ 49,81% აქვს (61 ადგილი);
  • 23,29%-ით მეორე ადგილზეა მილიარდერი სამველ კარაპეტიანის პრორუსული ბლოკი „ძლიერი სომხეთი“ (28 ადგილი);
  • 9,94% აქვს ბლოკს „სომხეთი“, რომლის ლიდერი ქვეყნის ყოფილი პრეზიდენტი რობერტ ქოჩარიანია (11 ადგილი);
  • ხმების 4% მიიღო პრორუსული პოზიციის პარტიამ „აყვავებული სომხეთი“ (5 ადგილი).

უბრალო უმრავლესობის შესაქმნელად 53 დეპუტატია საჭირო, ხოლო საკონსტიტუციო უმრავლესობისთვის – 70.

სხვა პოლიტიკურმა გაერთიანებებმა საარჩევნო ბარიერი ვერ გადალახეს (4% პარტიებისთვის და 8-10% ბლოკებისთვის მათი წევრი პარტიების რაოდენობის მიხედვით).

სომხეთში 7 ივნისის საპარლამენტო არჩევნებში 16 პარტია და 2 ბლოკი მონაწილეობდა.

ამომრჩეველთა აქტივობა 58,97% იყო.

წყარო