საქართველოს პრეზიდენტმა სალომე ზურაბიშვილმა „უცხოური გავლენის გამჭვირვალობის“ კანონს 18 მაისს ვეტო დაადო.

„ეს კანონი არის თავისი არსით, თავისი სულისკვეთებით „რუსული კანონი“, რომელიც ეწინააღმდეგება ჩვენს კონსტიტუციას და ეწინააღმდეგება ყველა ევროპულ სტანდარტებს და, ამდენად, წარმოადგენს შეფერხებას ჩვენს ევროპულ გზაზე.

ეს ვეტო არის სრულიად გამართული იურიდიულად და დღესვე გადაეცემა პარლამენტს.

ეს კანონი არ ექვემდებარება არავითარ ცვლილებას, არავითარ გაუმჯობესებას და, ამდენად, არის ძალიან მარტივი ვეტო.

ეს კანონი უნდა გაუქმდეს“, – განაცხადა პრეზიდენტმა სალომე ზურაბიშვილმა.