მოლითი-ფონა-ჩუმათელეთის საავტომობილო გზის დარჩენილი სარეაბილიტაციო სამუშაოებისთვის 96 309 126 ლარი გაიხარჯება. მშენებელმა კომპანიამ „New Road“ გზის მშენებლობა უკვე განაახლა. ამჟამად მოსამზადებელი სამუშაოები მიმდინარეობს. გეგმა-გრაფიკის მიხედვით, აპრილიდან მიწის სამუშაოები უნდა დაიწყოს, ივნისში – საყრდენი ნაგებობების მშენებლობა, ოქტომბერში – ხიდების და ა. შ.

საავტომობილო გზების დეპარტამენტსა და შპს „New Road“-ს შორის დადებული ხელშეკრულების თანახმად, მოლითი-ფონა-ჩუმათელეთის საავტომობილო გზის სარეაბილიტაციო სამუშაოები 2025 წლის 30 ნოემბრისთვის უნდა დასრულდეს.