ხარაგაულში თოვს. წუხელ მოსული ნალექის გამო, დაბა ხარაგაულსა და ხარაგაულის მუნიციპალიტეტის სოფლებში ელექტროენერგია გაითიშა. სს „ენერგო-პრო ჯორჯია ჰოლდინგიდან“ მოპოვებული ინფორმაციით, აღდგენით სამუშაოებზე მუშაობენ.

დაბა ხარაგაულში ელექტროენერგიის ჩართვას ნახევარ საათში (10:30 სთ-სთვის) დაგვპირდნენ. რაც შეეხება სოფლებს, ჯერჯერობით, იკვლევენ, სად რა დაზიანებებია. დაზიანებების აღმოსაფხვრელად თუ ხარაგაულის ფილიალის თანამშრომლები საკმარისი არ აღმოჩნდა, შესაძლოა, დახმარება მეზობელი მუნიციპალიტეტებისგანაც მიიღონ.