საქართველოს კალათბურთელთა ეროვნულმა ნაკრებმა 2023 წლის მსოფლიოს ჩემპიონატის საკვალიფიკაციო ეტაპის დასკვნითი ტურის მატჩში ისლანდიის ნაკრებს უმასპინძლა და 80:77 დამარცხდა.

საქართველოს ნაკრებმა პირველი ტაიმი მინიმალური სხვაობით, 43:42 დათმო. მატჩმა დაძაბულობა ბოლო წამებამდე შეინარჩუნა. საბოლოოდ, ილიას ზუროსის გაწვრთნილმა საქართველოს ნაკრებმა მატჩი დაძაბულ ბრძოლაში 80:77 დათმო.

მიუხედავად მარცხისა, საქართველოს ნაკრებმა ისტორიულ წარმატებას მიაღწია. ქართველმა კალათბურთელებმა ისტორიაში პირველად მოიპოვეს მსოფლიოს ჩემპიონატზე, მსოფლიოს 32 საუკეთესო გუნდთან ერთად, ასპარეზობის უფლება.

ქართველი კალათბურთელები პლანეტის პირველობაზე 2023 წლის აგვისტო-სექტემბერში იასპარეზებენ.