დასრულდა „ახალი განათლების“ მიერ გამოცხადებული პირადი მოსაზრების გამომხატველი ესეების კონკურსი – „ახალგაზრდების აღიარების პრობლემა ჩვენს რეალობაში“.

საუკეთესო ათეულიდან გამარჯვებულები გამოვლინდნენ:

  • ჟიურის რჩეული ესეს ავტორია – მარიამ ჩაჩანიძე, ხარაგაულის მუნიციპალიტეტის სოფ. ხიდრის საჯარო სკოლის მე-11 კლასის მოსწავლე. ჟიურის რჩეული 300 ლარს მიიღებს;
  • ვებგვერდის რჩეული გახდა სესილი ერაგია, ფოთის წმ. ნიკოლოზის სახ. ზ/ს საშუალო სკოლის მე-11 კლასის მოსწავლე. ვებგვერდის რჩეული 200 ლარს მიიღებს.
  • მესამე საპრიზო ადგილი – „ახალი განათლების“ რჩეული გახდა გურამ ფედოროვი, გარდაბნის მუნიციპალიტეტის სოფელ საცხენისის საჯარო სკოლის მე-11 კლასის მოსწავლე. მას პრიზად გადაეცემა 150 ლარი.

ტრადიციულად, ამ კონკურსისთვის სპეციალური პრიზები დააწესეს გამომცემლობებმა „ინტელექტი“ და „აგორა“.

  •  „ინტელექტის“ რჩეულია ხატია ხოჯანაშვილი, ჭიათურის მუნიციპალიტეტის სოფელ გეზრულის საჯარო სკოლის მე-11 კლასის მოსწავლე.
    მას გამომცემლობა წიგნის მაღაზიის „შაქროს ბაბუა“ 100-ლარიან ვაუჩერს გადასცემს.
  • „აგორას“ რჩეულია ლუკა მერებაშვილი, გორის №12 საჯარო სკოლის მე-10 კლასის მოსწავლე, რომელსაც გამომცემლობისგან საჩუქრად წიგნების ნაკრები გადაეცემა.

წლევანდელი კონკურსის ჟიურის წევრები არიან: ბელა კაციტაძე, კახაბერ გაბუჩია, ნაზი საბანიძე, ჟანა სიმონია, თამარ მიქაძე, ელისო ბაღათურია და ზაზა შულაია

კონკურსის პირობის თანახმად, ათი საუკეთესო ესე „ახალი განათლების“ 15 დეკემბრის ნომერში დაიბეჭდება. ფინალისტები ონლაინ სერტიფიკატებს მიიღებენ.

„ჩემი ხარაგაულის“ რედაქცია ულოცავს ყველა გამარჯვებულს და განსაკუთრებით – ხარაგაულელ მარიამ ჩაჩანიძეს ამ წარმატებას.

მარიამმა გადაწყვიტა, რომ ფულადი ჯილდო მეგობარს გადასცეს.

გაეცანით მარიამ ჩაჩანიძის გამარჯვებულ ესეს „ახალგაზრდების აღიარების პრობლემა ჩვენს რეალობაში“