ხარაგაულის მუნიციპალიტეტის სკოლამდელ დაწესებულებათა გაერთიანების ყველა აღსაზრდელი საახალწლოდ სასაჩუქრე ნაკრებს მიიღებს. ნაკრებში ტკბილეული და საახალწლო საჩუქარი შედის.

სკოლამდელ დაწესებულებათა გაერთიანების დირექტორის, მამუკა ჭიპაშვილის, ინფორმაციით, სასაჩუქრე ნაკრების შესაჩენად 11 800 ლარი დაიხარჯა. თითოეული სასაჩუქრე ნაკრების ღირებულება დაახლოებით 22 ლარია.

„ძირულას ხეობის სოფლებში მოქმედ საბავშვო ბაღებს საჩუქრები გუშინ გადავეცით, დანარჩენ სოფლებში დღეს ვარიგებთ. საჩუქრების გადაცემა აღსაზრდელებისთვის, სავარაუდოდ, ხვალ დასრულდება,“ – ამბობს მამუკა ჭიპაშვილი.