ხარაგაულის ხუთი სკოლის პერსონალს ამავე სკოლების ექიმები გატესტავენ.

ამ მიზნით დღეს, 16 ნოემბერს, ხარაგაულის საზოგადოებრივი ჯანდაცვის ცენტრმა სკოლის ექიმებს ხელშეკრულებები გაუფორმა; მანამდე კი – ეს ექიმები დაატრენინგა.

ხარაგაულის მუნიციპალიტეტში მოქმედი 26 სკოლიდან საექიმო კაბინეტი მხოლოდ ხუთ სკოლაში ფუნქციონირებს – ხარაგაულის გიმნაზიის, ხევის, ბორითის, ხარაგაულის #2 და #3 საჯარო სკოლებში.

ხარაგაულის საზოგადოებრივი ჯანდაცვის ცენტრის დირექტორის, შმაგი ხიჯაკაძის, ინფორმაციით, სკოლის ექიმებს გასატესტი მასალებით ეს ცენტრი მოამარაგებს, ხოლო ერთჯერადი ხელთათამნებითა და ხალათებით უზრუნველყოფაზე საგანმანათლებლო რესურსცენტრია პასუხისმგებელი.

კორონავირუსზე აცრილი პედაგოგები ორ კვირაში ერთხელ PSR-ით გაიტესტებიან, ხოლო აუცრელი მასწავლებლები – სწრაფი ტესტით.