„რადიო თავისუფლებამ“ საქართველოს რეგიონული მედიის ისტორიასა და თანამედროვე ყოფაზე ოთხნაწილიანი დოკუმენტური ფილმი „არაცენტრალური მედია“ გადაიღო.

„საქართველოში რეგიონული მედიის რეიტინგებს არავინ ითვლის. ადგილობრივი ტელევიზია, რადიო, გაზეთი, რეგიონული ბლოგები – საინფორმაციო საშუალებები, რომლებსაც „ცენტრი“ ვერ ამჩნევს, რეალურად არა მხოლოდ პერიფერიის სარკეა, არამედ საქართველოს თანამედროვე ისტორიის ყველაზე ობიექტური „ჟამთააღმწერი“ – რომელიც ზუსტად ირეკლავს ქვეყნის პოლიტიკურ, ეკონომიკურ, სოციალურ თუ კულტურულ პრობლემებს“, – ასეთია ამ დოკუმენტური ფილმის ავტორების ხედვა.

დოკუმენტური ფილმის „არაცენტრალური მედია“ ავტორია დავით გურგენიძე, რეჟისორი – მირიან შენგელაია, პროდიუსერი ალექსანდრე ხარანაული, ოპერატორები მირიან შენგელაია და ნიკოლოზ ჭავჭავაძე.

„როგორ იბადებოდა საქართველოს რეგიონალური მედია? – ფენოვანი-2.10-ის პირველი სერიის პირველ ეპიზოდში „არაცენტრალური მედიის“ დაბადების შესახებ არის მოთხრობილი.

ფილმის მეორე ნაწილი გურია TV-ის (ოზურგეთი), TV 25-ის (ბათუმი), TV გურჯაანის (გურჯაანი), მეცხრე ტალღას (ფოთი) შესახებ გვიამბობს;

ხოლო ფილმის მესამე ნაწილში – მარნეული TV-ის (მარნეული), ტელეკომპანია თანამგზავრი (თელავი), ჩემი ხარაგაული (ხარაგაული), ოდიში TV (ზუგდიდი) თანამედროვე ფონაა აღწერილი;

დოკუმენტური ფილმის „არაცენტრალური მედია“ მეოთხე ნაწილი შემდეგ კვირაში გამოქვეყნდება.

„ჩემი ხარაგაულის“ რედაქცია მადლობას უხდის „რადიო თავისუფლებას“ და ფილმის „არაცენტრალური მედია“ შემოქმედებით კოლექტივს.