ხარაგაულის მუნიციპალიტეტში კორონავირუსის დადასტურებულ შემთხვევათა რაოდენობა იზრდება.

19 ოქტომბრის მონაცემებით, ბოლო 24 საათში covid-19-ით ინფიცირების 54 ახალი შემთხვევა დაფიქსირდა. აქედან 12 ბავშვია.

  • 26 ახალი შემთხვევა გამოვლინდა დაბა ხარაგაულში;
  • 5 შემთხვევა – საღანძილეში,
  • 3-3 – ლახუნდარასა და მაქათუბანში;
  • 2-2 შემთხვევა – ისლარში, ჯაფაროულში, ვანსა და კიცხში;
  • თითო-თითო შემთხვევა – ხიდარში, ნებოძირში, სხლითში, ფარცხნალში, წყალაფორეთში, ვარძიაში, ხუნევში, მარელისსა და ზარანში.

ბოლო 24 საათში კორონავირუსი ხუთმა ადამიანმა დაამარცხა.

ხარაგაულში კორონავირუსის დაფიქსირებიდან დღემდე სულ 1639 შემთხვევა დაუდასტურდა. მათ შორის 1305 გამოჯანმრთელდა, 25 – გარდაიცვალა.

ამჟამად ხარაგაულის მუნიციპალიტეტში 277 ადამიანი იზოლაციაში იმყოფება. ინფიცირებულთაგან სტაციონარში 33 პაციენტი მკურნალობს.

მიმდინარეობს სკოლების, საბავშვო ბაღებისა და მედპერსონალის ტესტირების პროცესი. გუშინ ხარაგაულისა და ბორითის კლინიკის პერსონალი გაიტესტდა. ყველა მათგანის პასუხი უარყოფითია.