ხარაგაულის მერის წარმომადგენელმა ხიდრის ადმინისტრაციულ ერთეულში კონსტანტინე ბერაძემ თანამდებობა დღეს, 20 აგვისტოს, დატოვა.

გავრცელებული ინფორმაციით, ის გიორგი გახარიას პარტიას „საქართველოსთვის“ შეუერთდება. ამ ინფორმაციის გადასამოწმებლად თავად კონსტანტინე ბერაძეს დავუკავშირდით.

„მივიღე გადაწყვეტილება, დავტოვო მერის წარმომადგენლის თანამდებობა და გიორგი გახარიას გუნდს შევუერთდე“, – გვიპასუხა მან.

კონსტანტინე ბერაძე ხიდარში მერის წარმომადგენლის თანამდებობაზე 2018 წლის მარტიდან მუშაობდა.

ნინო კაპანაძე