ხარაგაულის სპორტისა და შიდა ტურიზმის ცენტრის ინიციატივით, 4 ივნისს, სპორტსკოლის ეზოში ხატვის კონკურსი ჩატარდა. მასში ხარაგაულის მუნიციპალიტეტში მოქმედი სკოლების 28 მოსწავლე მონაწილეობდა.

ხატვის კონკურსში ჩაერთვნენ ხარაგაულის #2, ბაზალეთის, ბორის, ლეღვანის, ვარძიის, ხუნევის, მოლითის, ზვარის, მარელისის, წიფის, ლაშეს, კიცხის, ღორეშის, ვერტყვიჭალის საჯარო სკოლებისა და ხარაგაულის სასულიერო გიმნაზიის მოსწავლეები.

კონკურსის მონაწილეებს შეეძლოთ აერჩიათ ორი თემიდან ერთ-ერთი – „პირველი ივნისი – ბავშვთა დაცვის საერთაშორისო დღე“, ან „26 მაისი – საქართველოს დამოუკიდებლობის დღე“. მოსწავლეთა ნამუშევრები ჟიურის წევრებმა – ზეინაბ ბუაჩიძემ, ჟუჟუნა კალანდაძემ, გია მეიფარიანმა და მანანა თხელიძემ შეაფასეს.

ხატვის კონკურსის გამარჯვებულები 9 ივნისს გამოვლინდნენ. უფროსკლასელებში საპრიზო ადგილები ასე განაწილდა:
I  ადგილი – თამთა პავლაძე (ბორის სკოლა, IX კლ.);
II ადგილი –   ნინო მუმლაძე (ბორის სკოლა, VIII კლ.);
III ადგილი – ნათია გუდაძე (წიფის სკოლა, VIII კლ.).

უმცროსკლასელებს შორის გაიმარჯვეს:
სალომე კურტანიძემ (ღორეშის სკოლა, VI კლასი;
ნათია კვინიკაძემ (ლაშის სკოლა, VI კლ.);
ანასტასია ბერაძემ (კიცხის სკოლა, VI კლ.).

ჟიურიმ თავისი ფავორიტი კონკურსანტები გამოავლინა:
ნინო შარიქაძე (ლეღვნის სკოლა, IX კლ.);
თეონა ჭიპაშვილი (გიმნაზია, IX კლ.);
გიორგი გუნთიაშვილი (ზვარის სკოლა, X კლ.);
ლუკა ჯამაგიძე (მოლითის სკოლა, VI კლ.).

გამარჯვებულებს სიგელები და ფასიანი საჩუქრები გადაეცათ.