ხარაგაულის სპორტისა და შიდა ტურიზმის ცენტრის ორგანიზებით, დღეს 8 აპრილს, ორგანიზაციებს შორის მაგიდის ჩოგბურთის ჩემპიონატი გაიმართა.

ტურნირში ოთხი ორგანიზაცია – ხარაგაულის მერია, საკრებულო, სპორტისა და შიდა ტურიზმის ცენტრი და „სოკარ ჯორჯია გაზის“ ხარაგაულის ფილიალი ჩაერთო.

ფინალურ ეტაპზე მერიისა და სპორტისა და შიდა ტურიზმის ცენტრის წარმომადგენლები გადავიდნენ. პირველ ადგილზე გავიდა როინ გელაშვილი (ხარაგაულის მერია), მეორე ადგილი დაიკავა ივანე გოლუბიანმა, ხოლო მესამე ადგილზე ვეფხვია ღონღაძე გავიდა.

მეორე და მესამე ადგილის მფლობელები ხარაგაულის სპორტისა და შიდა ტურიზმის ცენტრის წარმომადგენლები არიან.