კურორტ ნუნისში საქართველოში პირველი პოსტკოვიდური რეაბილიტაციის პროგრამა ამოქმედდება, რომელიც შვეიცარიის სარეაბილიტაციო ცენტრების გამოცდილებას დაეყრდნობა.

პროგრამას პროფესორი ლერი ლაფანაშვილი უხელმძღვანელებს.

პროგრამა ითვალისწინებს როგორც სარეაბილიტაციო, ასევე გამაჯანსაღებელ კურსს და 7 ან 14-დღიანი ხანგრძლივობის იქნება.

შვიდდღიანი სარეაბილიტაციო და გამაჯანსაღებელი კურსის ღირებულება ერთ პერსონაზე გახლავთ 820 ლარი. ამ თანხაში სარეაბილიტაციო კურსის ღირებულებასთან ერთად შედის სასტუმროში განთავსება,  სამჯერადი კვება ჯანსაღი და ეკოლოგიურად სუფთა პროდუქტებით.

დაინტერესებულმა პირებმა დეტალური ინფორმაციის მისაღებად უნდა დარეკოთ ტელეფონით შემდეგ ნომრებზე:

555 37 32 29; 599 22 55 80.