ბოლო 24 საათის განმავლობაში ხარაგაულში კორონავირუსის 10 ახალი შემთხვევა დადასტურდა.

ახალი შემთხვევები გამოვლინდა დაბა ხარაგაულში, ზვარეში, დიდვაკეში, საქასრიაში, თეთრაწყაროში, საღანძილეში, უჩამეთსა და ლაშეში. დღეს გამოჯანმრთელებული არ გვყავს.

ხარაგაულში ინფიცირების პირველი შემთხვევიდან დღემდე კორონავირუსი 204 ადამიანს დაუდასტურდა. მათგან 65 გამოჯანმრთელდა, ხოლო 2 გარდაიცვალა.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ინფიცირების 137 აქტიური შემთხვევიდან  10 პაციენტი კოვიდკლინიკაში მკურნალობს, ხოლო დანარჩენები ბინაზე – ოჯახის ექიმის მეთვალყურეობით.

ხარაგაულის მუნიციპალიტეტში დღეისათვის თვითიზოლაციაში 196 პირი იმყოფება.