დღეს, 16 ნოემბერს, ხარაგაულის #2, #3 საჯარო სკოლებსა და გიმნაზიაში სწავლა საკლასო ოთახებში უნდა განახლებულიყო. თუმცა, რთული ეპიდსიტუაციის გამო, ამ სკოლებში დისტანციურად სწავლება ერთი კვირით გახანგრძლივდა.

ხარაგაულის #2 სკოლა და გიმნაზია დისტანციურ სწავლებაზე 9 ნოემბრიდან, ხოლო ხარაგაულის #3 საჯარო სკოლა – 5 ნოემბრიდან იმყოფება.

ხარაგაულის საგანმანათლებლო რესურსცენტრის უფროს მარინა ვეფხვაძის განცხადებით, დღეისათვის ამ სამ სკოლას მარელისის, საღანძილის, წიფის, ხიდრის, ლეღვნის, ბორითის, ვახანისა და ლაშეს საჯარო სკოლები დაემატა.

„გიმნაზიაში, ხარაგაულის #1 და #2, საღანძილის, წიფის, ხიდრისა და ლაშის სკოლებში დისტანციური სწავლა 24 ნოემბრამდე გაგრძედება; მარელისის, ლეღვნის, ბორითისა და ვახანის სკოლებში – 26 ნოემბრამდე. თუ საჭირო გახდა, შესაძლოა, შემდეგაც ასე გავაგრძელოთ. იმედია, მომდევნო ათ დღეში ეპიდსიტუაცია უფრო მეტად არ გართულდება“, – ამბობს მარინა ვეფხვაძე.

ფოტოზე – ხარაგაულის სასულიერო გიმნაზია