ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, კორონავირუსი ხარაგაულის #3 სკოლის მასწავლებელს დაუდასტურდა.

ამიტომ დღეიდან, 5 ნოემბრიდან, სკოლა სწავლების დისტანციურ რეჟიმზე გადავიდა.

ხარაგაულის #3 სკოლის დირექტორის, მარინე ხვედელიძის ინფორმაციით, მასწავლებელი სკოლაში მიმდინარე კვირაში არ ყოფილა, რადგან შაბათიდან, 31 ოქტომბრიდან, თავს შეუძლოდ გრძნობდა.

„გადავიდეთ თუ არა მასწავლებლები თვითიზოლაციაში, ამის შესახებ ინფორმაციას საზოგადოებრივი ჯანდაცვის ცენტრიდან ველოდებით“, – ამბობს მარინე ხვედელიძე.

რაც შეეხება ექთანს, რომელიც ბორითის კოვიდკლინიკის თანამშრომელია, ინფექცია გეგმიური ტესტირების დროს დაუდასტურდა.

„დღევანდელი მონაცემებით, კორონავირუსი კიდევ რვა ხარაგაულელს დაუდასტურდა, – ამბობს ჯანდაცვის ცენტრის ექიმი ნინო ყიფშიძე, – შესაძალოა, ყველა მათგანი ფაქტობრივად ხარაგაულში არ ცხოვრობდეს. ამჟამად ამ ფაქტებს ვიკვლევთ და დამატებით ინფორმაციას მოგაწვდით“.

ხარაგაულში კორონავირუსის პირველი შემთხვევის დადასტურებიდან დღემდე სულ 25 ინფიცირებულია. მათგან 4 გამოჯანმრთელდა. თვითზიოლაციაში 35 პირი რჩება.