საჩხერე-ჭიათურა-ხარაგაულის #20 მაჟორიტარულ ოლქში ყველა უბანი დილის 07:00 საათზე გაიხსნა.

„ამ ეტაპზე სიმშვიდეა, – ამბობს #20 მაჟორიტარული ოლქის ძირითადი – #56 ჭიათურის საოლქო საარჩევნო კომისიის თავმჯდომარე მამუკა სამხარაძე, – სამივე ოლქში ამომრჩევლები ხმას აძლევენ. იმედია, კენჭისყრის დღის დამთავრებამდე ასე გაგრძელდება. კორონავირუსის პანდემიის გამო სანიტარულ-ჰიგიენური ნორმები ყველგან დაცულია“.

#20 მაჟორიტარულ ოლქში სულ 103 837 ამომრჩეველია. მათგან საჩხერეში – 41 768, ჭაითურაში – 42 577, ხარაგაულში – 19 492.

დღეს, 31 ოქტომბერს, ხარაგაულში და კიდევ ოთხ მუნიციპალიტეტში, – თერჯოლაში, ქუთაისში, ონსა და კასპში, საპარლამენტო არჩევნებთან ერთად, მერის რიგგარეშე არჩევნები ტარდება.

ფოტოებზე: ხარაგაულის #1 საარჩევნო უბანი