კორონავირუსი ტესტირებით გამოუვლინდა ხარაგაულელ ახალგაზრდა ქალს, რომელიც ამჟამად ქუთაისში ცხოვრობს.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ინფიცირებული 10 ოქტომბერს ხარაგაულში ნათესავის დაბადების დღეზე იმყოფებოდა.

ამჟამად მიმდინარეობს ინფიცირებულის კონტაქტების მოძიება, რაც არც თუ ისე ცოტაა.

ძვირფასო ხარაგაულელებო, გთხოვთ, მოგიწოდებთ, პანდემიის გადავლამდე თავი შეიკავეთ დაბადების დღეების, ნათლობების, ქორწილებისა და ქელეხების გადახდისგან.

მოვუფრთხილდეთ ერთმანეთს და საკუთარ ჯანმრთელობას.