კორონავირუსის პანდემიის პირობებში როგორ გაგრძელდება სასწავლო პროცესი საბავშვო ბაღებში, – ეს საკითხი დღეს ყველა აღსაზრდელის მშობლისთვის მნიშვნელოვანია.

ჯანდაცვის სამინისტროსგან მოპოვებული ინფორმაციით, შრომისა და დასაქმების პოლიტიკის დეპარტამენტი, კორონავირუსის პანდემიის გამო, შესაბამის რეგულაციებზე მუშაობს და ხვალ ან ზეგ რეკომენდაციები გამოქვეყნდება.

ხარაგაულის სკოლამდელ დაწესებულებათა გაერთიანების დირექტორი მამუკა ჭიპაშვილი ამბობს, რომ გაერთიანებაში შემავალი ცხრამეტივე საბავშვო ბაღის ადმინისტრაციები მუშაობას პირველი სექტემბრიდან შეუდგებიან.

მისივე ინფორმაციით, საბავშვო ბაღების საჭიროებების მოსაგვარებლად ორი კვირა საკმარისი იქნება.

სასწავლო პროცესი საბავშვო ბაღებში 15 სექტემბერს განახლდება.