საჩხერე-ჭიათურა-ხარაგაულის გაერთიანებულ სამაჟორიტარო ოლქში „ევროპულმა საქართველომ“ მაჟორიტარობის კანდიდატად სერგო რატიანი წარადგინა.

რატიანი 2012 წელს და 2016 წელს პარლამენტის წევრი „ერთიანი ნაციონალური მოძრაობიდან“ პარტიული სიით გახდა. 2017 წლის იანვრიდან კი „ევროპული საქართველოს“ წევრია.

ის პარლამენტში განათლების, მეცნიერებისა და კულტურის კომიტეტის თავმჯდომარის მოადგილეა.

სერგო რატიანი დაიბადა 1967 წლის 27 ნოემბერს თბილისში.

დამთავრებული აქვს თბილისის სახელმწიფო უნივერსიტეტის ფილოსოფიის ფაკულტეტი. 2008 წლიდან ილია ჭავჭავაძის უნივერსიტეტის სრული პროფესორია.

  • 1986-88 წლებში საბჭოთა არმიაში მსახურობდა;
  • 1988-89  წლებში დაამთავრა თბილისის ილია ჭავჭავაძის სახელობის უცხო ენების შემსწავლელი კურსი – გერმანული ენა;
  • 1991-93 წწ. – მასწავლებელთა გადამზადების ინსტიტუტის რელიგიის კათედრის მეცნიერ-მუშაკი;
  • 1991-94 წწ. – თბილისის სახელმწიფო უნივერსიტეტის ასპირანტი;
  • 1993-96 წწ. – თბილისის სასულიერო აკადემიის მასწავლებელი;
  • 1995-97 წწ. შპს – „კავკასიის“ დირექტორის მოადგილე;
  • 1997-2002 წწ. – შპს „არხატის“ დირექტორი;
  • 2001-2002 წწ. – თბილისის სახელმწიფო უნივერსიტეტის უფროსი მასწავლებელი;
  • 2002-2006 წწ. – თბილისის ილია ჭავჭავაძის სახელობის ენისა და კვლევების უნივერსიტეტის კათედრის გამგის მოვალეობის შემსრულებელი;
  • 2006-2008 წწ. – ილია ჭავჭავაძის სახელობის სახელმწიფო უნივერსიტეტის ასოცირებული პროფესორი;
  • 2006-2012 წწ. – ილიას სახელმწიფო უნივერსიტეტის ადმინისტრაციის ხელმძღვანელი.

ჰყავს მეუღლე ეკა კეკელია და ორი შვილი.

სერგო რატიანის ბიოგრაფიული მონაცემები აღებულია პარლამენტის ვებგვერდიდან.