3 ივლისის მონაცემებით, საქართველოში კორონავირუსის ოთხი ახალი შემთხვევა დაფიქსირდა, ასევე ოთხი პაციენტი გამოჯანმრთელდა.

ამ დროისთვის კორონავირუსით დაავადებულთა რიცხვი სულ 943 აღწევს, მათგან 821 გამოჯანმრთელებულია.

ინფექციური საავადმყოფოს კლინიკური დირექტორის, მარინა ეზუგბაიას, თქმით, ოთხივე ახალი შემთხვევა სხვა ქვეყნებიდან შემოსულ მოქალაქეებს დაუდასტურდათ. მათგან ორი სატვირთო ავტომობილის მძღოლია.

ამ ეტაპზე კოვიდცენტრებში 107 პაციენტი მკურნალობს.

stopcov.ge-ის განახლებული მონაცემები ასე გამოყურება:

  • კორონავირუსის დადასტურებული შემთხვევა – 943;
  • მათ შორის გამოჯანმრთელდა – 821;
  • გარდაიცვალა – 15;
  • კარანტინის რეჟიმში 3080 მოქალაქე იმყოფება;
  • სტაციონარში მეთვალყურეობის ქვეშ – 242;
  • *უცხოეთიდან სამკურნალოდ გადმოყვანილი საქართველოს მოქალაქეები – 3