საქართველოს პარლამენტში ინიცირებულია შეზღუდული შესაძლებლობის მქონე (შშმ) პირთა უფლებების შესახებ ახალი კანონის პროექტი, რომელიც საკომიტეტო განხილვის ეტაპზეა.

საკანონმდებლო ინიციატივა მნიშვნელოვან სიახლეებს ითვალისწინებს შშმ პირთა უფლებების დაცვის
თვალსაზრისით.

კანონის პროექტი მიზნად ისახავს შშმ პირთა უფლებების დაცვას და უფლებების რეალიზებასთან
დაკავშირებული დაბრკოლებების აღმოფხვრას შეზღუდული შესაძლებლობების მქონე პირთა
კონვენციის შესაბამისად.

კანონის პროექტით უქმდება 1995 წელს მიღებული კანონი „შეზღუდული შესაძლებლობის მქონე
პირთა სოციალური დაცვის შესახებ“.

კანონის პროექტით:

  • მუნიციპალიტეტები შესთავაზებენ შშმ პირებს პერსონალური ასისტენტის სერვისს. პერსონალური
    ასისტენტი დაეხმარება შშმ პირს განათლების მიღებისას, სამუშაო ადგილზე, საჯარო სერვისებით
    სარგებლობისას და ყოფითი ხასიათის საკითხების მოგვარებაში;
  • შემოდის სპეციალური მოსარჩელის ინსტიტუტი – შშმ პირთა უფლებებზე მომუშავე ორგანიზაციები
    დარეგისტრირდებიან სპეციალური მოსარჩელის სტატუსით და მიეცემათ შესაძლებლობა შშმ
    პირთა დისკრიმინაციის შემთხვევებში სასამართლოს მიმართონ );
  • შშმ პირს ექნება შესაძლებლობა სახელმწიფოს ხარჯზე ისარგებლოს იურიდიული დახმარებით;
  • სახელმწიფო უწყებები ვალდებული იქნებიან შშმ პირთა საჭიროებების შესაბამისად
    განახორციელონ შენობა-ნაგებობების ადაპტაცია.

კანონპროექტით კანონის ამოქმედების ვადად ეტაპობრივად 2021-2035 წლებია განსაზღვრული.

ვრცლად ამის შესახებ გაეცანით „საერთაშორისო გამჭვირვალობა – საქართველოს“ პუბლიკაციას.