ხარაგაულის საკრებულოსგან მოწონებულ ინფრასტრუქტურულ პროექტებს შორის ერთ-ერთი დაბა ხარაგაულის შემოვლითი, ბაზალეთისკენ მიმავალი გზის რეაბილიტაციაა.

მერია ამ გზის მშენებლობას 2020 წელს რეგიონული განვითარების ფონდის სახსრებით 180 ათას ლარად გეგმავს.

ამ გზის მუნიციპალური განვითარების ფონდიდან (მგფ) რეაბილიტაციის შესაძლებლობაზე საუბრობს ბაღდათი-ხარაგაულის მაჟორიტარი დეპუტატი კობა ლურსმანაშვილი. ის ამბობს, რომ მგფ-ის დირექტორი გიორგი შენგელია დაჰპირდა, რომ 2020 წელს ფონდისგან გასახარჯი თანხის ეკონომიის შემთხვევაში, მგფ მიმდინარე წელს შეძლებს დაბა ხარაგაულის შემოვლითი გზის სარეაბილიტაციო პროექტის შედგენასა და ხარაგაულის აგრარული ბაზრიდან ბაზალეთის შესახვევამდე გზის მშენებლობას.