ამის გასარკვევად თავად ხარაგაულის ყოფილ ვიცემერს, არჩილ მაღრაძეს, დავუკავშირდით.

მან გვითხრა, რომ ძალიან მაცდუნებელი წინადადება მიიღო ერთ-ერთი კერძო კომპანიისგან –  მაღალანაზღაურებადი სამსახური შესთავაზეს.

მისივე ინფორმაციით, ეს კერძო კომპანია, რომელიც ინფრასტრუქტურულ პროექტებს ახორციელებს, თბილისსა და შანხაიში საქმიანობს. თუმცა, მან კომპანიის სახელწოდება არ დაასახელა.

არჩილ მაღრაძის თანამდებობიდან წასვლის შესახებ ინფორმაცია დღეს ხარაგაულის მერმა ნიკო თოფურიძემ გაავრცელა. ხუთი დღის წინ არჩილ მაღრაძე თანამდებობიდან მისი წასვლის შესახებ გავრცელებულ ინფორმაციას კატეგორიულად უარყოფდა.

ფოტოზე: არჩილ მაღრაძე ხარაგაულის საკრებულოს სხდომაზე, 2018 წ.