ხარაგაულში ახალშექმნილი ააიპ „კულტურისა და ხელოვნების ცენტრის“ დირექტორად ნიკოლოზ მაჭავარიანი; ააიპ „დასუფთავებისა და კეთილმოწყობის გაერთიანების“ დირექტორად თემურ ფურცელაძე, ხოლო ააიპ „სპორტისა და შიდა ტურიზმის ცენტრის“ დირექტორად გრიგოლ (გია) ჭიპაშვილი დაინიშნა.

ეს ინფორმაცია ხარაგაულის მუნიციპალიტეტის მერიის ადმინისტრაციის სამსახურის უფროსმა კახა გოლუბიანმა დაგვიდასტურა.

მუნიციპალიტეტის მერმა სამი ახალი მუნიციპალური ააიპ-ის დირექტორები დღეს, 10 აპრილს, დანიშნა.

შეგახსენებთ, რომ

  1. „კულტურისა და ხელოვნების ცენტრი“ აერთიანებს ისტორიულ მუზეუმს, ცენტრალურ ბიბლიოთეკას, კულტურის ცენტრს, ლიტერატურულ თეატრსა და ხალხური შემოქმედების სახლს;
  2. „დასუფთავებისა და კეთილმოწყობის გაერთიანება“ – „ხარაგაულკეთილმოწყობასა“ და „ხარაგაულდასუფთავებას“;
  3. სპორტისა და შიდა ტურიზმის ცენტრი – ხარაგაულის სპორტის განვითარებისა და მართვის მუნიციპალურ ცენტრს, საფეხბურთო კლუბს „ჩხერიმელა 2009“ და ხარაგაულის მუნიციპალიტეტის განვითარებისა და შიდა ტურიზმის ხელშეწყობის ცენტრს.

ამავე თემაზე: ვინ დაინიშნება ხარაგაულში სამი ახალი ააიპის დირექტორად