სოფელ ბორითის მკვიდრს, 28 წლის ამირან ბარბაქაძეს, თანასოფლელები შვიდი დღეა უშედეგოდ ეძებენ. დაკარგული  9 იანვარს ნასვამ მდგომარეობაში, სავარაუდოდ, მდინარე დუმალაში ჩავარდა.

შინაგან საქმეთა სამინიტროს პრესსამსახურიდან მოპოვებული ინფორმაციით, ამ ფაქტზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. მიმდინარეობს სამძებრო სამუშაოები.

ხარაგაულის მუნიციპალიტეტის საკრებულოს თავმჯდომარე მანანა ბარბაქაძე ამბობს, რომ „დაკარგულის მოსაძებნად სოფლის მაცხოვრებლებიც – ასზე მეტი ადამიანია – ჩართული. მდინარემ ამირან ბარბაქაძის  ქურთუკი გამორიყა, სამძებრო სამუშაოებში სხვა სოფლების წარმომადგენლებიც ჩაერთვნენ.“

თამთა გოგოლაძე