ეს თანამდებობა ვაკანტური მას შემდეგ გახდა, რაც ლაშა გელაშვილი პირადი განცხადების საფუძველზე გათავისუფლდა.

ხარაგაულის მუნიციპალიტეტის საკრებულოს აპარატის უფროსის, ლენა კალანდაძისგან, მოპოვებული ინფორმაციით, ამ თანამდებობაზე დასანიშნად კონკურსში ათი მსურველი ჩაერთო. წარმოდგენილი დოკუმენტების გადარჩევის შემდგომ გასაუბრებაზე შვიდი მათგანი უნდა გამოცხადებულიყო.

15 იანვარს დანიშნულ გასაუბრებაზე მხოლოდ ორი კანდიდატი გამოცხადდა.

საკრებულოს თავმჯდომარის, მანანა ბარბაქაძის, ინფორმაციით ხარაგაულის მუნიციპალიტეტის საკრებულოს თავმჯდომარის თანაშემწედ ივანე ჭიპაშვილი დაინიშნება.

ივანე ჭიპაშვილი ამ დრომდე ააიპ რეზო თაბუკაშვილის სახელობის სახალხო ლიტერატურული თეატრის ტექნიკურ მენეჯერად მუშაობდა.