ამ წუთებში ხარაგაულში ათეულობით მომლოცველი იკრიბება მთა რკინისჯვარზე მსვლელობაში მონაწილეობის მისაღებად.

12 მაისს საქართველოს მართლმადიდებლური სამოციქულო ეკლესია წმიდა ანდრია პირველწოდებულის ხსენების დღეს აღნიშნავს.

მეთხუთმეტე წელია, რაც ეს დღე ხარაგაულში, შოთა ხარატიშვილის ინიციატივით, მთა რკინისჯვარზე აღინიშნება.

თქმულების თანახმად, ანდრია მოციქულმა საქართველოში ყოფნისას რამდენიმე მთაზე ჯვარი აღმართა.

გადმოცემით, ერთ-ერთი ასეთი მთა ხარაგაულის ტერიტორიაზე, ბორჯომ-ხარაგაულის ეროვნულ პარკში (ზღვის დონიდან 2439 მეტრი) მდებარეობს. სწორედ ამიტომ უწოდებენ ამ ადგილს ადგილობრივები „რკინისჯვარს“.

ამავე თემაზე:
ანდრიაობა რკინისჯვარზე
ხარაგაულში, ანდრიაობას, რკინისჯვარზე
მომლოცველები რკინისჯვარზე